انتقد الإعلامي عمرو أديب، تعليقات البعض على مواقع التواصل الاجتماعي عن تفاصيل وأزمات تخص الحياة الشخصية والعائلية للفنان الراحل هشام سليم، والذي وافته المنية، الخميس الماضي، بعد معاناة مع مرض السرطان.
وقال “أديب” عبر برنامجه “الحكاية”، الذي يعرض عبر قناة “إم بي سي مصر”: «مفتكرش السنتين التلاتة اللي فاتوا حد مات وسيبناه في حاله، إحنا مش بنسيب حد يموت في سلام، قولوا الله يرحمه ونقطة، بقيتوا متوحشين ليه؟!”.
عمرو أديب
وأضاف: “الراجل اللي مات الحكم عليه هيفيدك في حاجة، ماذا سيضيف حكمك على إنسان مات.. عن هشام سليم أتحدث”.
وتابع أديب: “هشام سليم توفى وسط أهله، ومشاكله كلها مع إخواته اتحلت، الراجل كان عيان بقاله سنتين، بس ده يفرق معاكوا في إيه؟ إنه اتخانق مع أهله أو متخانقش، إن أهله كانوا جنبه ولا مكانوش جنبه، ما تسيبوا الناس تموت”.
وأكمل: “ليه بنعمل في بعض كده؟، أنا بقيت خايف أموت، هتعملوا فيا إيه؟! أنا عارف هيتعملي حفلة غير طبيعية، مش عايز أموت مش خوفًا من الموت، مش عايز أموت علشان اللي انتوا بتعملوه ده”.
انت تقرأ هذا الموضوع في قسم أخبار مصر على موقعك المفضل النافذة الاخبارية.
كما يمكنم ايضا تصفح المزيد من الاقسام الهامة في موقعنا:
تابعنا الآن على جوجل نيوز النافذة الإخبارية