كشف المنتج الكبير عصام إمام، شقيق الزعيم عادل إمام، رد فعله على شائعة إصابته بالزهايمر، وتطورات حالته الصحية قائلا: “الواحد مل من الشائعات وتعودنا عليها كل شوية شائعة شكل ومش عارفين نعمل إيه؟”
وأوضح إمام، فى مداخلة هاتفية لبرنامج “كلمة أخيرة” مع الإعلامية لميس الحديدى، عبر قناة ON، أنه كان برفقة الفنان عادل إمام، اليوم السبت، وكانا يتحدثان ويمزحان قائلا: “كنا قاعدين بنتكلم النهارده وبنهرج وبيقولى يا عصام ده موتوني قبل كده خمس أو ست مرات هيقولوا إيه تاني؟”.
وعن سماع الزعيم عادل إمام، أنباء إصابته بالزهايمر، قال عصام إمام: “مش متابع هو سوشيال ميديا كتير، لكن سألنى أنت ليه بتطلع ترد وتتكلم عني؟ قلتله لما يقولوا عندك زهايمر، لازم أطلع وارد قلى هترد على إيه؟ إذا كان موتوني قبل كده خمس أو ست مرات”.
وكشف إمام، عن سبب عدم خروج الفنان عادل إمام لطمأنة محبيه قائلاً: “مش من طباعه الظهور هو قليل الظهور فى البرامج والمداخلات وهو عنده مبدأ طول حياته إن أعماله اللي تتكلم، والعائلة كانت تنزعج في الماضي من مثل هذه الشائعات لكن الآن بات الأمر عاديا، وعادل إمام لو دخل مستشفى مش بس مصر اللى هتعرف العالم كله هيعرف والمرض مافيهوش تخبية عشان نخاف منها”.
انت تقرأ هذا الموضوع في قسم أخبار مصر على موقعك المفضل النافذة الاخبارية.
كما يمكنم ايضا تصفح المزيد من الاقسام الهامة في موقعنا:
تابعنا الآن على جوجل نيوز النافذة الإخبارية