مصر فعليًا قاعدة على كنز دهب ضخم جدًا، وعلشان كده الحكومة والشركات العالمية بقت مهتمة بقطاع التعدين أكتر من أي وقت فات.
عندنا دلوقتي أهم 5 مناجم دهب في الصحراء الشرقية ومنطقة الدرع النوبي، واللي لو اتوظفوا صح ممكن يكونوا قوة اقتصادية حقيقية.
قد يهمك ايضا
1- منجم السكري:
أشهر وأكبر منجم دهب في مصر، موجود جنب مرسى علم بمساحة 160 كم، واشتغل رسمي سنة 2010. من ساعة ما بدأ لحد 2024 أنتج حوالي 5.8 مليون أوقية دهب، وفي 2023 بس أنتج أكتر من 450 ألف أوقية، وبيعتبر من أكبر 10 مناجم دهب في العالم.
2- منجم إيقات:
ده اكتشاف مصري 100%، بيشغله شركة شلاتين مع هيئة الثروة المعدنية. الاحتياطي المعلن حوالي 1.2 مليون أوقية بنسبة استخلاص 95%، وده من أعلى النسب عالميًا. بدأ التشغيل التجريبي في 2023، ومتوقع يوصل حجم الاستثمارات فيه لأكتر من مليار دولار الفترة الجاية.
3- منجم أبومروات:
أحدث اكتشاف دهب في مصر، أعلن عنه سنة 2024 باحتياطي ضخم يوصل لـ290 ألف طن، والكشف ده عملته شركة كندية اسمها “أتون مايننغ”.
4- منجم حمش:
من أقدم مناجم الدهب في مصر، معروف من أيام الفراعنة، موجود غرب مرسى علم. أول سبيكة طلعت منه كانت سنة 2007 بعد توقف طويل.
5- منجم البرامية:
موجود في الكيلو 105 شرق إدفو، الاحتياطي فيه كبير جدًا ولسه ما اتستغلش بالكامل، الدراسات الأولية بتقول إنه من أغنى المناطق اللي ممكن يتطور فيها الاستثمار الفترة الجاية.
باختصار، مناجم الدهب دي ممكن تحول مصر لقوة اقتصادية كبرى لو اتوظف الاستثمار فيها صح، وده اللي الحكومة بتحاول تحققه مع تطوير القوانين والبنية التحتية.
انت تقرأ هذا الموضوع في قسم استثمار على موقعك المفضل النافذة الاخبارية.
كما يمكنم ايضا تصفح المزيد من الاقسام الهامة في موقعنا:
تابعنا الآن على جوجل نيوز النافذة الإخبارية
